ايـش الحــل ؟؟ طمنـووونـــي !!

[twety]

السلام عليكم ..

اخباركم ؟؟

انا رحت امس محل حيوانات وشفت قطووه بيضا ..
عمرها 7 شهوور .. نوعها شيرازي تركي صاحبهاا امريكي وباعها علشانه سافر ..
ومعها شهاده صحيه ..

وهي حلوووووه مرررره
بس كانت مرررره خايفــه وشريتها وجبتها عندي البيت ..
وكانت تدوور زوايا وتتخبا فيها وتلتف حول نفسها..
ومرره هاديه وشعرها يتساقط ..


بس اذا شلتها ما تسوي شي عاااادي ..
وحتى صاحب المحل يوم كان بيطلعها كانت متمسكه بالقفص ماتبغى تطلع ..

قلت له ليه كذا ؟ قال لانها توها جايه من بيت الى قفص وفاقده صاحبها!!


ايش الحل معها؟؟ :1 (16):
فيه امل تتعود علي؟

وتصير ماتخاف مني ؟؟

وهل التساقط من الخووف ؟؟ وتغير المكان ؟؟

وانا قريت عن بودره احطها بالارض لمدة 5 دقايق وتعقم الغرفه وتخلي ريحتها حلوه ؟؟!

صحيح فيه والا انا فهمت غلط ؟!!

واذا فيه وين الاقيها بالشرقيه الخبر؟؟

وثاانكس ...


توويتي..

[العابر]

انا سمعت عن الانقوار التركي به شويت خوف بس يتعود
لاكن امس دخل علينا انقوار تركي من الشارع وتميت الاحق به داخل البيت يوم قربت ايدي منها شمخني وحاول يعضني لاني سمعت انه شوي شري احيانا لاكن شكله حلو مره









في امل تتعود عليك مع الوقت


الشعر يمكن فيها دود
والباقي مدري
وشكرا

[LuCkY gIrL]

ايه عادي لانها خايفة وما تعودت على البيت

انتظر اسبوع اسبوعين ويصير الوضع تمام

[MrLiOn]

مبروووك يا تويتي .. وتتربى في كنفك وعزك
بالنسبة لحكاية الخوف .. فطبيعي أتوقع .. ومع الوقت بيتعود عليك أكيد .. بس أكله زين كهكهكه
وبالنسبة لتساقط الشعر ممكن مثل مايقول العابر بوه دود .. أنت شف شهادته متى آخر مره أخذ جرعة حقت الدود ؟ الجرعة توخذ كل 3 شهور ..

وانا قريت عن بودره احطها بالارض لمدة 5 دقايق وتعقم الغرفه وتخلي ريحتها حلوه ؟؟!

حتى أنا سمعت عن بودرة ترش على الموكيت تعقمه .. لكني يوم رحت أشتريها نصحوني بالبخاخ معقم اسمه " pet safe " ومكتوب أنه مطهر لكل الحيوانات الأليفه البيتية ..

شريته من الحياة والطبيعة بـ 30 ريال

[قلب الماس]

مبروووووك عليك وايام وبتتعود وبيروح منها الخوف

[قطو_Q8te]

السلامـ عليكم
اولـ شيء مبروك اختي عالقطهـ حسب وصفج اعتقد اهي الانقورا؟؟
اذونها طوال شوي والذيلـ؟
اذا ممكن صوره لها عشان احطلج مميزات هالقطهـ وطريقة الاعتناء فيها

تمنيت اختي تقرين هالموضوع قبل الشراء
http://www.2zoo.com/vb/showthread.php?t=6020

عالعمومـ القط اول مره اكيد بيخاف مو متعود ولاتنسين عمرها 7 شهور يعني عاشت اغلب عمرها ويا صاحبها وفجأه تخلا عنها
انتي قربي منها ولعبي معاها ومسحي على راسها وجسمها هذا اهم شي انج تمسحين عليها عشان تحس بالامان
وحطيلها اكل
لاتسبحينها الحين
بعد اسبوع سبحيها لانها توه يديد وخايفه
وفعلا" في بودره تنرش عالارض تشيل اثار الروائح وكلشي وتقتل البكتيريا
وانا حطيت موضوع لهالمنتج
هذا اهو المنتجـ



http://www.2zoo.com/vb/showthread.php?t=6078

وماعندي خبره بمحلات السعوديه بس اهو متوفر بالكويت\ستي سنتر

[twety]

العابر ..
ان شاء الله تتعود علي ..
وقطوتي بالعكس الحمدلله ماتعض ولا شي

وان شاء الله بوديها بيطري وبتأكد ..

الله يعطيك العافيه ..
وماقصرت

--------------
لوكي قيرل ..
تسلميين ..
وان شاء الله يارب ..
ربي يسمع منك

--------------
مرليون ..
ربي يباااارك فيك .. تسلم ..
وان شاء الله القى البخااخ واشتريه ..
جزاك الله خير على التووضيح ماقصرت

-------------
قلب الماس ..
الله يبارك فييييك ..

تسسلم

-------------

قطو كويتي ..
شكرا لتواجدك ..
وان شاء الله بنزل صورها لاني مااعرف اذا انقورا او لا ..

ولا تخاف كل المواضيع قريتها قبل لا اشتريها
وان شاء الله بوديها البيطري علشان اشوف اذا فيها دود او لا ..

وربي يعطيك العافيه على التوضيـــح ..
ماقصرت والله ..


اختـــــكم .. تويتي ..

[NONO]

ماشاء الله على الاخوان والاخوات ماقصروا
وهذا صور للانقورا التركى هل يشبها ام لا..



وان شاء الله تكونين استفدتي من معلومات الاخوان..

[twety]

نونو ..
شكرا لتواجدك ..
لكن شكل القطه مختلف تماما عن اللي بالصوره ..
لاني مو متأكده اذا كانت شيرازي تركي او شيرازي فارسي ..

بس ان شاء الله بنزل صورها وباخذ المعلومات عنها

يعطيك العافيه ..
اختك ..
تويتي

[NONO]

العفو وان شاء الله ناطرين تنزلين الصوره..
بالتوفيق..